斷斷續續攪咗九個禮拜,終於都完成啦...
大家不如睇睇Final Battle重温一下精彩劇情先啦,睇完high high哋先好睇製作過程呵:
繼續攪Superpart:
記唔記得上次賣嘅關子?
整完pair 8mm再整多pair 4mm! 但4mm好難在中間鑽開個2mm窿,所以改用0.5mm銅支:
配埋金屬補品:
好! 試試效果先...
大噴嘴:
嘩! 日蝕! (点解月亮穿咗個窿
仲有月蝕! (細噴嘴)
自己都不禁地O嘴 . . .
最後就係焊接LED至Superpart!
右面OK!
但左面一時大力,成條線拉咗出來!
原來之前焊唔實,今次真係老貓燒鬚啦!
死! 已經痴死哂,開唔返! 唔通要難尾?!
No! 難尾does not exist in my dictionary! 但可以点攪呢?!
諗咗十分鍾,再睇返幅走線圖 ↓
拉斷的應該係連至正極! 決定走條明線!
再焊回電池連接頭:
算做救得番啦...
棚棚聲?! 乜嘢棚棚聲呀?! 咪就係機槍囉...
不過聲就無啦,槍嘴加彩閃LED扮開槍時嘅火光啦...
先把3mm LED磨細:
在槍嘴內做小小手腳,便可以套入已磨細的LED:
但槍嘴太短,簡單地加長(用咗唔知幾時為乜買嘅圓通):
槍嘴尖亦要鑽穿(用0.5mm鑽嘴):
但太長! Cut短(哈哈哈,有時長未必係好事
OK啦:
前槍頸就放棄頂部嗰part件:
但留返個小半圓位,亦把中心彫空:
咁咪可以套入LED腳囉...
後槍頸就用1mm鑽嘴鑽穿,方便走線:
槍嘴LED嘅電線由後槍頸直入槍膀。因為線幼,只cut去小小咔位便可:
加小小刻線:
槍尾件切開:
都係用磁鐵接合,方便換電:
電池裝在後面,其實與機頭電池盒差不多:
試吓槍先:
Week 9 Progress:
好似好鬼死high咁...
Week 1: 腳板底亮燈及足踝關節
Week 2: 完成腳板底電源
Week 3: 雙腳完成!
Week 4: 駕駛艙鐙(+鼻鐙?)
Week 5: 眼鐙
Week 6: 再戰眼鐙及尾鐙
Week 7: 懶人の雙手製作
Week 8: 雙翼推進器
今晚與財長返外家,八月中返港執埋啲轆及地台架便影成品照...
No comments:
Post a Comment