
盒套件明明係X56S/α Force Impulse, 為何標題係X56S/β Sword呢?
我諗好多blog友都知我比較鍾意红色, 見舊年七月號電擊例範做埋红色的「巨劍型衝擊高達」, 我又試下先!

一開盒, 諗都唔諗就先整頭燈!
先把後腦裡面粒"的"剪去, 以便放入LED:


之後就鑽大內件那原本用來拍件嘅窿:


試試開燈:

大鑊! 雙眼差不多完全唔光!
把內件近眼的方角割深:


咁係咪好好多呢?

今時今日出嘅MG仲有咁明顯嘅分模線!

用超能膠加爽身粉做無縫及打磨後, 因面容已化妆, 只好遮住才噴頭盔! 無眼睇!

巨劍型衝擊の能源背包
這是原裝套件「強攻魅影」連接到上身嘅部份:

因我又想保留「強攻魅影飛行器」, 用1/100嘅「雙劍魅影」來改:

只要磨細插口便可裝上! 當然之後仲要加detail啦... 但這就是"能源"背包嘅初稿:

上半身の電路
因為套件要準留「核心戰機」嘅位置, 無太多空間拉線!


能源背包嘅"能源"其實就係電源, 今次用2mm磁鐵來做連接插頭!

之後用刀刻條大约1mm嘅線位:

用LED剪出來的線腳走線:

哈哈哈, 好似「大口仔」兄玩detail, 但只得一條...


最後, 割闊頸底(左)及刻兩條線坑在頭頸連接(右):

兩條線一定要有小小空間活動, 否則頭部不可左右移動!

嘩! 真係無乜位! 仲要把白線焊到早三幅嘅LED線腳...

つづく
No comments:
Post a Comment