棉蘭蝦麵+KLCC雙仔塔

諗都諗唔到會去棉蘭市! 大家又知唔知棉蘭在邊呢? Google map
記唔記得南亞海嘯呀? 棉蘭海邊當時係重災區...

今次係工作關係, 過去睇吓有乜商機。 個business partner帶咗我去食蝦麵做早餐, 佢話我一定會上引!

其實蝦麵就食得多, 在新加坡及吉隆坡都食過好地道的蝦麵, even在灣仔都有两間正嘢。 但今早在棉蘭市食的蝦麵, 俾我真正知道乜嘢叫做福建蝦麵!

預咗門口無乜特別

內堂也無特別裝修

但碗蝦麵真係正到非纸墨可以形容! 除咗有蝦及魚蛋之類的topping, 仲有豬腳仔及海參!

加埋佢的特別辣椒醬及一杯超濃的咖啡... 真係無得頂!

(忽然做咗蔡瀾歎名菜的客席主持添... )

---

傍晚來到吉隆坡, 酒店對正雙仔塔, 無乜好做就玩吓傻瓜Sony N1 DC影夜景...
無腳架, 就用窗臺做腳架... 用手動模式, 8.0光圈 + 10秒捕光的效果:

都算OK啦...